የአእላፋት ዝማሬ በኡጋንዳ መድኃኔዓለም ቤተክርስቲያን በልዩ ድምቀት ተካሂደ

የ2018 ዓ.ም የአእላፋት ዝማሬን እንዲያዘጋጁ በዋና አዘጋጆች ፈቃድ ከተሰጣቸው በውጭ ሀገር ከሚገኙ አብያተ ክርስቲያናት አንዱ የካምፓላ መካነ ሰላም መድኃኔዓለም ቤተክርስቲያን ነው።

የምሥራቅ አፍሪካ ሀገረ ስብከት ጽ/ቤት ከዋና አዘጋጆች ጋር በመነጋገር የካምፓላ መካነ ሰላም መድኃኔዓለም ቤተክርስቲያን ዓምደ ሃይማኖት ሰንበት ትምህርት ቤት የ2018 ዓ•ም የአእላፋት ዝማሬን እንዲያቀርቡ እንዲፈቀድ በደብዳቤ በመጠየቅ እና ለዝግጅቱ እውቅና በመስጠት በዋና አስተባባሪነት ዝግጅቱ እጅግ የተሳካ እንዲሆን ከፍተኛ አስተዋጽኦ አድርጓል።

በእለቱ በካምፓላ ባሉ አብያተ ክርስቲያናት ውስጥ የሚያገለግሉ ሊቃውንት አባቶች ካህናትና ዲያቆናት እንዲሁም የሰንበት ትምህርት ቤት ወጣቶች  እጅግ ብዙ ምእመናን የዝማራው ዝግጅት ላይ ተገኝተው በመወለዱ የሰው ልጆችን ሁሉ ከጨለማ ወደ ሚደነቅ ብርሃን ያሸጋገረውን ጌታችን መድኃኒታችን ኢየሱስ ክርስቶስን በልዩ ዝማሬ እና እልልታ አክብረዋል።

የካምፓላ መካነ ሰላም መድኃኔዓለም ቤተክርስቲያን ሚዲያ ክፍል
EOTCTV ታኅሣሥ 28 ቀን 2018 ዓ.ም