በቬንዙዌላው የአሜሪካ ጣልቃ ገብነት 32 ኩባውያን ተዋጊዎች ተገደሉ

በቬንዙዌላው ፕሬዝዳንት ኒኮላስ ማዱሮ ላይ የተካሄደውንና ለስልጣን መውረድ ምክንያት የሆነውን የአሜሪካ ወታደራዊ ኦፕሬሽን ተከትሎ 32 የኩባ ተዋጊዎች መገደላቸውን የኩባ መንግስት አስታወቀ።

የሀገሪቱ ዋና ከተማ ሃቫና በደረሰው በዚህ ከፍተኛ ሰብአዊ ኪሳራ ምክንያት ለሁለት ቀናት የሚቆይ ብሔራዊ የሀዘን ቀን አውጃለች።

በዩናይትድ ስቴትስ ልዩ ኃይሎች የተመራውና ፕሬዝዳንት ማዱሮን በቁጥጥር ስር ለማዋል የተከናወነው ይህ ድንገተኛ ዘመቻ በቬንዙዌላ ለነበሩ የኩባ ወታደራዊ አባላት ከፍተኛ ጉዳት አድርሷል።

ኩባ ለረጅም ዓመታት ለማዱሮ መንግስት ወታደራዊና የደህንነት ድጋፍ ስትሰጥ መቆየቷ የሚታወስ ሲሆን በዘመቻው ወቅት የተገደሉት ተዋጊዎችም የፕሬዝዳንቱን ደህንነት ለመጠበቅና የአሜሪካን ጥቃት ለመመከት ጥረት ሲያደርጉ እንደነበር ተገልጿል።

ይህ ክስተት በዋሽንግተን እና በሃቫና መካከል ያለውን የከረረ ዲፕሎማሲያዊ ግንኙነት ይበልጥ እንዲሻክር ያደረገው ሲሆን የኩባ መንግስት የአሜሪካን እርምጃ በሉዓላዊ ሀገር ላይ የተፈጸመ ጥቃት ሲል ኮንኖታል።

በተያዘው የሀዘን ወቅት በሀገሪቱ የሚገኙ ሰንደቅ ዓላማዎች ዝቅ ብለው እንዲውለበለቡ የተወሰነ ሲሆን የቬንዙዌላው ቀውስ በቀጠናው ባሉ ሀገራት ላይ እያሳደረ ያለው ተፅዕኖ በዓለም አቀፉ ማህበረሰብ ዘንድ ከፍተኛ ስጋትን ፈጥሯል።