የትግራይ አባቶች የሲኖዶስን ውሳኔ ተቃወሙ

የትግራይ የኦርቶዶክስ ቤተክርስቲያን አባቶች፣ በአወዛጋቢው ደቡባዊ ትግራይ በማይጨው አገረ ስብከት ሥር ሲተዳደሩ የነበሩት አላማጣ፣ ኦፍላ፣ ዛታ እና ጨርጨር ወረዳዎች እንዲኹም አላማጣና ኮረም ከተሞች ራሱን የቻለ አገረ ስብከት እንዲኾኑ የኢትዮጵያ ኦርቶዶክስ ቤተክርስቲያን ሲኖዶስ በቅርቡ ውሳኔ ማሳለፉን መቃወማቸው ተሠምቷል።

አገረ ስብከት የሚቋቋመው ለዞኖች ብቻ መኾኑን የጠቀሱት የክልሉ አባቶች፤ ውሳኔው የአማራና የትግራይ ሕዝቦች ቅራኔ ውስጥ እንዲገቡ የሚያደርግ ነው በማለት ውድቅ. ማድረጋቸውን የዘገበው ድምጸ ወያኔ ነው።

የሲኖዶሱ ውሳኔ፣ የትግራይን ግዛታዊ አንድነት የሚጥስና የግዛት መስፋፋት ለማካሄድ የታለመ ነው በማለት የኃይማኖት አባቶቹ እንደፈረጁትም ተገልጧል።

የዋዜማ ራዲዮ