በ6.6 ቢሊዮን ብር የሜኢሶን-ድሬዳዋ የፍጥነት መንገድ ግንባታ ተጀመረ

ሀገራዊና ዓለም አቀፋዊ የገበያ ተደራሽነትን እንደሚያሳድግ የሚጠበቀው የሜኢሶን-ድሬዳዋ የፍጥነት መንገድ ግንባታ በይፋ መጀመሩ ተገለጸ።

የመንገዱን ግንባታ በይፋ ያስጀመሩት ምክትል ጠቅላይ ሚኒስትር ተመስገን ጥሩነህ፣ ፕሮጀክቱ ኢትዮጵያን ከወደብ ጋር የምታደርገውን ግንኙነት እንደሚያጠናክር እና ቀጣናዊ የነፃ ገበያን ለማሳካት እንደሚያስችል ገልጸዋል።

የመንገዱ ዝርዝር መረጃዎች

👉 ርዝመት: በሁለት ምዕራፍ ተከፍሎ የሚገነባው ይህ መንገድ በጠቅላላው 144 ኪሎ ሜትር ርዝመት ይኖረዋል።

👉 የገንዘብ ምንጭ: ለግንባታው ከዓለም ባንክ የተገኘ 6.6 ቢሊዮን ብር በጀት ተመድቧል።

👉 ስፋት: መንገዱ ባለ አራት መስመር ሲሆን፣ ስፋቱ 33.9 ሜትር ይሆናል።

👉 የግንባታ ጊዜ: ፕሮጀክቱ በአራት ዓመት ጊዜ ውስጥ ይጠናቀቃል ተብሎ ይጠበቃል።

👉 የጉዞ ጊዜ ቅነሳ: መንገዱ ሲጠናቀቅ ለጉዞ የሚፈጀውን ጊዜ ከአምስት ሰዓት ወደ አንድ ሰዓት ያሳጥራል።

የመንገዱ ግንባታ በቻይናውያን ኩባንያዎች፣ ቻይና ሲቪል ኢንጅነሪንግ ኮንስትራክሽን ኮርፖሬሽን እና ሱቹዋን ሮድ ኤንድ ብሪጅ በጋራ እንደሚካሄድ ተገልጿል።