የአሜሪካ መንግሥት ለቀድሞዋ ም/ፕሬዚዳንት የሚያደርገውን ጥበቃ አቆመ

የፕሬዚዳንት ዶናልድ ትራምፕ አስተዳደር “ሴክሬት ሰርቪስ” በተባለ ተቋም በኩል ለካማላ ሐሪስ የሚያደርገውን ጥበቃ ማቆሙን አስታወቀ፡፡

የቀድሞዋ ምክትል ፕሬዚዳንት በአሜሪካ መንግሥት የሚደረግላቸው ጥበቃ የሚያበቃው በሚቀጥለው ዓመት 2026 እንደነበር የዲደብሊው ዘገባ ያመለክታል፡፡

በሀገሪቱ ሕግ መሰረት፤ ከኃላፊነታቸው ከተሰናበቱ በኋላ ምክትል ፕሬዚዳንቶች ለስድስት ወራት፣ ፕሬዚዳንቶች ደግሞ ዕድሜ ልካቸውን ጥበቃ እንደሚደረግላቸው አሶሼትድ ፕሬስ ዘግቧል።

ይሁንና የቀድሞው ፕሬዚደንት ጆ ባይደን ከዋይት ሐውስ ከመሰናበታቸው በፊት በካማላ ሐሪስ ጥያቄ የአሜሪካ መንግሥት የሚያደርግላቸውን ጥበቃ ለተጨማሪ ስድስት ወራት አራዝመው እንደነበር ምንጮች ለአሶሼትድ ፕሬስ ተናግረዋል።

በመንግሥት የሚደረግላቸው ጥበቃ እንዲቆም የተደረገው ካማላ ሐሪስ “107 ቀናት” በሚል ርዕስ ያሳተሙትን የሕይወት ታሪካቸውን ለማስተዋወቅ በተዘጋጁበት ወቅት ነው።