የአረብ ሊግ ዋና ፀሐፊ  ለእስራኤል  ጥቃት“ቆራጥ እርምጃ” መውሰድ ያስፈልጋል አሉ

“ወንጀለኛውን የእስራኤል የጦርነት ማሽን አስቁሙ”‘

የአረብ ሊግ ዋና ፀሐፊ አሕመድ አቡል ጌት፣ በዶሃ በተካሄደው የአረብና የሙስሊም ሀገራት የውጭ ጉዳይ ሚኒስትሮች ስብሰባ ላይ ቀጥተኛ እርምጃ እንዲወሰድ ጥሪ አቅርበዋል።

“ወንጀለኛውን የእስራኤል ወታደራዊ ማሽን ከዚህ አሳፋሪ ጦርነት ማስቆም ላይ ሁላችንም ትኩረት ማድረግ አለብን” ብለዋል።

እስራኤል በኳታር ለፈፀመችው የአየር ጥቃት  “ቆራጥ እርምጃ” መውሰድ እንደሚያስፈልግና ከኳታር መንግሥት ጋር “የአረብ-እስላማዊ ትብብርን” ማጠናከር አስፈላጊ መሆኑን  አጽንኦት ሰጥተዋል ሲል  ስፑኒክ አስነብቧል።

ይህ መግለጫ እስራኤል አሜሪካ ባቀረበችው የሰላም ሐሳብ ላይ ለመወያየት በዶሃ ተሰብስበው በነበሩ የሃማስ መሪዎች ላይ ዘመቻ “የአሳት ጉባኤ” በሚል ጥቃት ከሰነዘረች በኋላ የመጣ ነው። እስራኤል ለጥቃቱ ኃላፊነት ብትወስድም፣ የአሜሪካው ፕሬዚዳንት ዶናልድ ትራምፕ በበኩላቸው “ያልታሰበ አደጋ” ሲሉ ገልፀውታል።