የኢራን እና የአሜሪካ ድርድር ተጠናቀቀ፤ እንደሚቀጥል ይጠበቃል

በኢራን እና በአሜሪካ መካከል ኦማን ውስጥ ዛሬ የተጀመረው ድርድር “ለጊዜው” መጠናቀቁን የኢራን መንግሥታዊ መገናኛ ብዙኃን አስታወቀ።
በዛሬው ዕለት ስለተካሄደው ንግግር ምንም ዓይነት ዝርዝር መረጃ ያልወጣ ሲሆን፣ ድርድሩ በመጪዎቹ ቀናት ስለመቀጠሉ የተባለ ነገር የለም።

በአሜሪካ እና በኢራን ከፍተኛ ባለሥልጣናት ኦማን ዋና ከተማ መስካት ውስጥ በአገሪቱ ባለሥልጣናት አሸማጋይነት መካሄድ የጀመረው ንግግር በሁለቱ አገራት መካከል የተፈጠረውን ወደ ግጭት የሚያመራ ውጥረት ያረገበ ነው።

ነገር ግን በዚህ ድርድር ኢራን የኒውክሌር ጦር መሣሪያ መረሃ ግብሯን ለማቆም የማትስማማ ከሆነ አሜሪካ ወታደራዊ እርምጃ እንደምትወስድ በተደጋጋሚ ስታስጠነቅቅ ነበር።

የተጀመረው ድርድር “የተራዘመ እና ለተከታታይ ቀናት” የሚደረግ እንደሚሆን የኢራን እስላማዊ ሪፐብሊክ ማሠራጫ ጣቢያ ዘግቧል።
ተንታኞች ይህ ድርድር በጣም ወሳኝ እና ጥንቃቄ የሚፈልግ ነው ሲሉ የተራዘመ ጊዜ ሊወስድ እንደሚችል ግምታቸውን ገልጸዋል።