የዓለም የመምህራን ቀን ሊከበር ነው

የዓለም የመምህራን ቀንን በተለያዩ ዝግጅቶች እንደሚያከብር ብሪቲሽ ካውንስል አስታወቀ።

ከመጪው ሀሙስ መስከረም 29 ቀን ጀምሮ ለተከታታይ ሶስት ቀናት የተለያዩ መርሃግብሮችን ማዘጋጀቱን ለጣቢያችን በላከው መግለጫ የጠቆመው ካውንስሉ፤ ዝግጅቱ በበይነ መረብ የሚካሄድ መሆኑን ጠቁሟል።

ኢትዮጵያን ጨምሮ በመላው ዓለም የሚገኙ መምህራን ዝግጅቱን መታደም እንደሚችሉም አስታውቋል።

በዝግጅቱ በዋናነት የእንግሊዝኛ ቋንቋ መምህራን እንደሚሳተፉ ሲነገር፤ የሌሎች የትምህርት አይነት መምህራንም ተሳታፊ መሆን እንደሚችሉ ተጠቁሟል።

የመምህራንን ሙያዊ ክህሎትና የቴክኖሎጂ አጠቃቀምን ማሳደግ ትኩረት ሊሰጣቸው እንደሚገባም በመግለጫው ተመላክቷል።