የተሰረቀ ዕቃ በቅናሽ ዋጋ መግዛት ወይም ይዞ መገኘት እስከ 3 ዓመት እስራት ያስቀጣል

በርካሽ ዋጋ የተሰረቁ ስልኮችን፣ ላፕቶፖችንና ሌሎች ዕቃዎችን መግዛት፣ የተሰረቀ መሆኑን ሳያውቁ በቅን ልቦና ቢገዙም እንኳ እንደ ሕጉ አግባብ እስከ 3 ዓመት በሚደርስ እስራት ሊያስቀጣ እንደሚችል የሕግ ባለሙያውና ጠበቃ አቶ ጥጋቡ ደሳለኝ ገልጸዋል።

አንዳንድ ሰዎች የተሰረቁ ዕቃዎችን በርካሽ ዋጋ ከሚሸጡ አካላት በመግዛት አትርፈው ለመሸጥ ሲሞክሩ ይስተዋላል። በተመሳሳይም አንዳንዶች ዕቃዎቹ ሕጋዊ ምንጭ ያላቸው መሆናቸውን ሳያረጋግጡ በቅናሽ ዋጋ ስለቀረቡ ብቻ ይገዛሉ።

በሕግ ፊት “የተሰረቀ መሆኑን አላውቅም ነበር” የሚል ምክንያት በራሱ ከተጠያቂነት ነጻ እንደማያደርግ ባለሙያው አስረድተዋል።