ሩሲያ ዩክሬንን በድሮን እና ሚሳኤል ደበደበች

ሩሲያ የአየር ላይ ጥቃት እንደፈጸመችባት ዩክሬን አስታወቀች::

ሁለቱ ሀገራት ከፍተኛ ነው የተባለለትን የእስረኛ ልውውጥ ማድረጋቸው ከተሰማ በኋላ የሩስያ ጦር በ 298 ሰው አልባ አውሮፕላኖች እና 69 ሚሳኤሎች በመጠቀም ጥቃት መፈፀሙን የዩክሬን አየር ኃይል አስታውቋል።

በጥቃቱ 12 ዩክሬናውያን ሕይወታቸውን እንዳጡም ተገልጿል፡፡

ጥቃቱን ተከትሎ የዩክሬን ፕሬዝዳንት ቮሎድሚር ዘለንስኪ “ሩሲያ ላይ ጠንካራ ጫና ካልተደረገ ይህ ጭካኔ ሊቆም አይችልም ፤ አሜሪካም ዝምታዋን መስበር አለባት” ሲሉ ተናግረዋል።

የሩስያ መከላከያ ሚኒስቴር ለውትድርና አገልግሎት ይውላሉ የተባሉ 142 ቦታዎች ላይ ጥቃቱ ማነጣጠሩን እንደገለጸ ቢቢሲ ዘግቧል።

የአሜሪካው ፕሬዝዳንት ዶናልድ ትራምፕ እሁድ እለት ሩሲያ በዩክሬን ላይ ባደረሰችው ጥቃት ጥልቅ ሀዘን እንደተሰማቸው ገልፀው የሩሲያው ፕሬዝዳንት ቭላድሚር ፑቲን እያደረጉ በሚገኙት ተግባር “ደስተኛ አይደለሁም” ሲሉ ተደምጠዋል።