በመንግስት ፕሮጀክቶች ላይ ከ17 ቢሊዮን ብር በላይ መባከኑን የኦዲት ሪፖርት አጋለጠ

የፌዴራል ዋና ኦዲተር በቅርቡ ባወጣው ሪፖርት መሠረት፣ በመንግሥት ፕሮጀክቶች ላይ ከፍተኛ የገንዘብ ብክነትና የሥርዓት ክፍተት መኖሩን አጋልጧል።

ሪፖርቱ እንደሚያሳየው በመንገድ ግንባታና በዩኒቨርሲቲ ፕሮጀክቶች ላይ ብቻ ከ17 ቢሊዮን ብር በላይ የሚገመት ገንዘብ መባከኑን አረጋግጧል።

ሪፖርቱ እንደሚያመለክተው፣ ከ180 በላይ የመንገድ ፕሮጀክቶች ከመጀመሪያ በጀታቸው በተጨማሪ ከ13.26 ቢሊዮን ብር በላይ ተጨማሪ ወጪ አስከትለዋል። ይህም ከ75% በላይ የሚሆኑት ፕሮጀክቶች ከፍተኛ የሆነ ተጨማሪ ወጪ እንደደረሰባቸው ያሳያል።

የፕላንና ልማት ሚኒስቴር ባለሥልጣናት ለዚህ ችግር እንደምክንያት የካሳ ክፍያና የመሬት ወሰን ችግሮችን፣ የጸጥታ ሁኔታዎችን፣ የፋይናንስ ፍሰት መጓተትን፣ የዋጋ ግሽበትን እና የውጭ ምንዛሪ እጥረትን ጠቅሰዋል።

Capital