ትራምፕ በኢራን ምክንያት የልጃቸውን ሰርግ ላለመታደም እያሰቡ መሆኑን ገለጹ

የአሜሪካው ፕሬዚዳንት ዶናልድ ትራምፕ በዚህ ሳምንት መጨረሻ ላይ በሚካሄደው የልጃቸው የዶናልድ ትራምፕ ጁኒየር ሰርግ ላይ ላይገኙ እንደሚችሉ ገልጸዋል። ትራምፕ ለዚህ ምክንያቱ የሰርጉ ጊዜ ከኢራንና ሌሎች ዓለም አቀፍ ጉዳዮች ጋር በመገጣጠሙ ሁኔታዎችን አስቸጋሪ ስላደረጋቸው መሆኑን ተናግረዋል።

“ይህ ጊዜ ለእኔ በጭራሽ አመቺ አይደለም” ያሉት ትራምፕ፣ “በእጄ ላይ ‘ኢራን’ የሚባል ትልቅ ጉዳይ እና ሌሎችም ነገሮች አሉብኝ” ብለዋል። አክለውም “በዚህ ጉዳይ ላይ ምንም ባደርግ አሸናፊ መሆን አልችልም፤ በሰርጉ ላይ ከተገኘሁም እወቀሳለሁ፣ ካልተገኘሁም በዚያው ልክ ‘በሐሰተኛ ዜና አውታሮች’ እወገዛለሁ” ሲሉ በምሬት ገልጸዋል።