ኢራን የኒውክሌር የጦር መሣሪያ ማበልጸግ እንደሌለባት አባላቱ ተስማሙ

የሰሜን አትላንቲክ የጦር ቃል ኪዳን ድርጅት (ኔቶ) ዋና ፀሐፊ ማርክ ሩተ በሄግ ከሚካሄደው የመሪዎች ጉባኤ አስቀድመው ለጋዜጠኞች መግለጫ እየሰጡ ነው።

ዋና ፀሐፊው የኢራን የኒውክሌር መርሃ ግብርን በተመለከተ የኔቶን አቋም አብራርተዋል።

“የኢራን የኒውክሌር መርሃ ግብርን በተመለከተ ወደ ኔቶ አቋም ስንመጣ፤ አጋሮች ኢራን የኒውክሌር የጦር መሣሪያ ማበልጸግ እንደሌለባት ተስማምተዋል” ብለዋል።

ከዚህም በተጨማሪ የኔቶ አባል አገራት ‘የኒውክሌር ጦር መሳሪያ መስፋፋትን ለመከላከል’ በተደረሰው ስምምነት መሠረት ኢራን ግዴታዋን ማክበር እንዳለባት ሲያሳስቡ መቆየታቸውንም አስታውሰዋል።

ጨምረውም ኢራን በሩሲያ እና ዩክሬን ጦርነት ውስጥ ተሳትፋለች ሲሉ ከስሰዋል።

“ኢራን ሩሲያ ሰላማዊ ዩክሬናውያንን ለመግደል የምትጠቀምበትን ድሮኖችን አቅርባለች” ብለዋል።