የኢትዮጵያ አትሌቲክስ ፌዴሬሽን የስራ አስፈፃሚ ኮሚቴ አባላት ድሬዳዋ ገቡ

የኢትዮጵያ አትሌቲክስ ፌዴሬሽን ፕሬዚዳንት ኮማንደር አትሌት ስለሺ ስህን ጨምሮ የፌዴሬሽኑ የስራ አስፈፃሚ ኮሚቴ አባላት
ወይዘሮ ሳራ ሀሰን፣ኢንስትራክተር አድማሱ ሳጂ፣
አቶ ቢኒያም ምሩፅ እና የፌዴሬሽኑ ምክትል ጽ/ቤት ኃላፊ ወይዘሮ ማስተዋል ዋለልኝ ዛሬ በታላቅ ድምቀት ለሚጀመረው 13ኛው የኢትዮጵያ ከ20 ዓመት በታች እና 4ኛው ከ18 ዓመት በታች አትሌቲክስ ሻምፒዮና ላይ ለመታደም ድሬዳዋ ገብተዋል ።

በድሬዳዋ ዓለምአቀፍ አየር ማረፊያ ሲደርሱ የድሬዳዋ አስተዳደር ወጣቶችና ስፖርት ኮሚሽን ኮሚሽነር አቶ ካሊድ መሀመድ ፣የድሬዳዋ አስተዳደር አትሌቲክስ ፌዴሬሽን ፕሬዚዳንት አቶ ዮናስ በትሩ እና ሌሎች አመራሮች ደማቅ አቀባበል አድርጎላቸዋል ።

በተጨማሪም በከተማዋ የተሰሩ የኮሪደር ልማት እና ሻምፒዮናው የሚካሄድበት ድሬዳዋ ኢንተርናሽናል ስታዲየም ጎብኝተዋል።

ሻምፒዮናው ከዛሬ ጀምሮ ለተከታታይ ሰባት ቀናት ይካሄዳል ።