የዳንጎቴ ነዳጅ ማጣሪያ የአክሲዮን ሽያጭ

የኢትዮጵያ የካፒታል ገበያ ባለስልጣን የዳንጎቴ የነዳጅ ማጣሪያ ኩባንያ አክሲዮኖች ሽያጭን በተመለከተ ይፋዊ ማስታወቂያ አዉጥቷል። ባለስልጣኑ እንዳስታወቀው የአንድ አክሲዮን የመግዣ ዋጋ 74 ነጥብ 9 ብር ሲሆን፣ የሽያጭ ሂደቱም እስከ ጥቅምት 13 ቀን 2019 ዓ.ም ድረስ ብቻ ይቆያል።

ይህ የአክሲዮን ሽያጭ ከፍተኛ የሀብት መጠን ላላቸው ባለሀብቶች የተዘጋጀ መሆኑ ተገልጿል። በዚህም መሰረት መስፈርቱን አሟልተው አክሲዮኖቹን መግዛት የሚችሉት፣ አንድ ተሽከርካሪ እና አንድ የመኖሪያ ቤት ሳይጨምር ቢያንስ 10 ሚሊዮን ብር የተጣራ ሀብት ያላቸው ባለሀብቶች እንደሆኑ ተብራርቷል።

እነዚህን መስፈርቶች የሚያሟሉ እና የአክሲዮን ግዢ ለመፈጸም ፍላጎት ያላቸው አካላት፣ አክሲዮኖችን የመሸጥ እና የመግዛት ህጋዊ ፈቃድ በተሰጣቸው ድርጅቶች በኩል ሂደቱን ማከናወን እንደሚችሉ ባለስልጣኑ አሳውቋል።