የፑቲን እና ትራምፕ የስልክ ውይይት

ፕሬዚዳንት ቭላድሚር ፑቲን እና ዶናልድ ትራምፕ በስልክ ለአንድ ሰዓት ያህል በተለያዩ ጉዳዮች ላይ ተነጋገሩ ።

ፕሬዚዳንት ፑቲን በዩክሬን የጀመሩትን የጦረነት ዓላማ ሳያሳኩ እንደማይተውት ነግረዋቸዋል ለፕሬዚዳንት ትራምፕ ።

ለሩሲያ እና ዩክሬን ጦርነት ምክንያት የሆኑ ጉዳዮችን ሙሉ  ለሙሉ ሞስኮ  እንደምታጠፋ እና ይህን ሳታሳካ እንደማትቆምም በግልጽ  አስቀምጠዋል።

ፑቲን በድርድር እና በፖለቲካዊ መንገዶች ውጥረቱን ለመፍታት ፍላጎት እንዳላቸውም  የክሬምሊን ረዳት ዩሪ  ዩሻኮቭ ለጋዜጠኞች አረጋግጠዋል ።

መሪዎቹ ለአንድ ሰዓት ያህል በሩሲያ-ዩክሬን ጦርነት እና በኢራን ጉዳይ ላይ መነጋገራቸውም ተሰምቷል።

ሩሲያ በ2022 በዩክሬን ላይ ጦር ያዘመተችበት ዋነኛው ምክንያት ኪዬቭ የሰሜን አትላንቲክ የጦር ጥምረትን እና የአውሮፓ ህብረትን ልትቀላቀል ነው የሚል ስጋት ስላደረባት እንደነበር የሚዘነጋ አይደለም ።

ስድእተኛው ውይይታቸውን ያደረጉት ትራምፕ እና ፑቲን አሁንም ዲፕሎማሲያዊ መንገዶችን መከተል እንደሚያሻ በግልጽ አስቀምጠዋል ።