አውሮፓዊቷ ሃገር ጣሊያን ከ2026 ጀምሮ እስከ 2028 ድረስ ከአውሮፓ ህብረት ውጪ ላሉ ዜጎች አዳዲስ 500,000 የስራ ቪዛዎችን እንዳቀረበች ተዘግቧል።
ከፍተኛ የሰራተኛ እጥረት ማጋጠሙን ተከትሎ የሃገሪቱ ካቢኔ ይህንን ውሳኔ እንደወሰነ ሲገልፅ በቀጣይ አመት ብቻ ከ164 ሺህ በላይ ሰዎች በስራ ቪዛ ወደ ጣሊያን እንዲገቡ ይደረጋል ተብሏል።
በአውሮፓ ሶስተኛዋ ግዙፍ ኢኮኖሚ ያላት ጣሊያን የዜጎቿ ዕድሜ መግፋትና የውልደት ምጣኔ መቀነስ የምትፈልገውን የሰው ኃይል እንዳታሟላ አድርጓታል።
በ2024 የሞት ቁጥሯ ከውልደት መጠኗ የበለጠው ጣሊያን የህዝብ ቁጥሯም በ37,000 ቀንሷል ተብሏል።
ጣሊያን እስከ 2050 ድረስ 10 ሚሊየን ስደተኞችን ትቀበላለች ተብሎ ሲገመት የአሁኑን ውሳኔ የተከሰተውን የሰው ኃይል እጥረት በመቅረፍ አዎንታዊ ተፅዕኖ ይኖረዋል ተብሏል።
Source: Reuters