የፌደራል ዋና ኦዲተር 20 የሚሆኑ የኤሌክትሪክ ኃይል ፕሮጀክቶች ከ267 ቢሊዮን ብር በላይ ተጨማሪ በጀት መጠየቃቸዉን እና ከእነዚህም ውስጥ ዘጠኙ ፕሮጀክቶች ከመጀመሪያ በጀታቸው ከ100% እስከ 200% የሚደርስ ጭማሪ ማስመዝገባቸውን አስታውቋል።

በተመሳሳይ የመስኖና የዩኒቨርሲቲ ፕሮጀክቶችም ከመጀመሪያ በጀታቸው ከ78% እስከ 760% የሚደርስ ጭማሪ በማሳየት 17.2 ቢሊዮን ብር ተጨማሪ ገንዘብ መጠየቃቸው ተገልጿል።

በዋና ኦዲተር በኩል የወጣዉ ሪፖርት እንደሚያመለክተዉ ከ180 በላይ የመንገድ ፕሮጀክቶችም በእቅድ ከተያዘ በጀት 13.2 ቢሊዮን ብር በላይ ተጨማሪ ወጪ ያወጡ ሲሆን፣ ከእነዚህ ውስጥ 75% የሚሆኑት ከቁጥጥር ውጪ የሆነ ወጪ አሳይተዋል።

የአዋጭነት ጥናትና የአፈጻጸም ክፍተቶች
የፕላንና ልማት ሚኒስቴር ባወጣው የመንግሥት ፕሮጀክት አስተዳደር አዋጅ 1210/2012 መሰረት፣ ፕሮጀክቶች ወደ ትግበራ ከመግባታቸው በፊት ገለልተኛ የአዋጭነት ግምገማ መካሄድ እንዳለባቸው ቢደነግግም፣ በናሙና ከታዩ ፕሮጀክቶች መካከል 52 የመንገድ ፕሮጀክቶች እና 42 የመስኖ ፕሮጀክቶች ያለአዋጭነት ግምገማ ሥራ መጀመራቸው ተረጋግጧል።

CapitalNews