1. ዝቅተኛው የመንግሥት ሠራተኛ ደመወዝ ከብር 4760 ወደ ብር 6,ዐዐዐ እንዲያድግ ይደረጋል፡፡
2. ከፍተኛው የመንግሥት ሠራተኛ ደመወዝ ከብር 21,492 ወደ ብር 39,000 እንዲያድግ ይደረጋል፡፡

3. የዲግሪ ተመራቂ መነሻ ደመወዝ ከብር 6,940 ወደ ብር 11, 500 እንደሚያሻሽል ዘግቧል።

መንግስት የሕዝብን አሳሳቢና ወሳኝ ጥያቄዎች ከተወሳሰቡ፣ ከተወናበዱና እርስ በርስ ከሚሻኮቱ (Conflicting) ችግሮች መሐል ነጥሎ አውጥቶ ማድመጥና አፋጣኝ መልስ መስጠት አለበት።

ከረጅም ውጣ ውረድ፣ ውትወታ፣ ማህበራዊና ሕዝባዊ ንቅናቄ በኋላ የመንግስት ሰራተኛ ደሞዝ በአንጻራዊነት መሻሻሉ ተስፋ ሰጭና በዜናነት መዘገብ የሚገባው ጠቃሚ ውሳኔ ሆኖ አግኝቼዋለሁ።

ችግርንና መከራን በጫንቃው ተሸክሞ ለዓመታት የከረመው የመንግስት ሰራተኛ ደሞዙ በአንጻራዊነት መሻሻሉ የኑሮ ሸክሙን በትንሹም ቢሆን ከማቅለሉም በላይ የነጋዴውን ገቢ በመጨመር፣ በተዘዋዋሪና በቀጥተኛ መንገድ የመንግስትን የግብር ገቢ በማሳደግና ኢኮኖሚውን በማነቃቃት ሊኖረው የሚችለው ሚና ትልቅ ነው።

ሌሎች ተከታታይነት ያላቸው በተለይ ገበያውን ስርዓት የሚያሲዙና ይህንኑ ተከትሎ የሚከሰቱ ሰው ሰራሽ (Artificial) የዋጋ ንረት ዝንባሌዎችን ለማረጋጋት የሚያስችሉ እርምጃዎች ከተወሰዱ የመንግስት ሰራተኛ ዛሬ በአንጻራዊነት ሊያገኝ የሚችለውን መለስተኛ እፎይታ ቀጣይነት ያለው ሊያደርግ እንደሚችል ተስፋ አለኝ።