በኳታር በሀሰተኛ መረጃ ስርጭት የተጠረጠሩ ግለሰቦች በቁጥጥር ስር ዋሉ

በኳታር ሀሰተኛ መረጃዎችን በማህበራዊ ሚዲያ በማሰራጨትና ህገ-ወጥ ቪዲዮዎችን በመቅረጽ የተጠረጠሩ 313 የተለያዩ ብሄረሰቦች ያሏቸው ግለሰቦች በቁጥጥር ስር መዋላቸውን የሀገሪቱ የወንጀል ምርመራ ዋና ዳይሬክቶሬት አስታወቀ።

በኢኮኖሚ እና የሳይበር ወንጀል መከላከል ዳይሬክቶሬት አማካኝነት የተወሰደው ይህ እርምጃ፣ ግለሰቦቹ የማህበራዊ ሚዲያ አጠቃቀም መመሪያዎችን ጥሰዋል በሚል የቀረበባቸውን ክስ ተከትሎ የመጣ ነው።

የሀገሪቱ የውስጥ ሚኒስቴር ማንኛውም ግለሰብ ወቅታዊ ኩነቶችን ያለፈቃድ ከመቅረጽና ያልተረጋገጡ ወሬዎችን ከመንዛት እንዲቆጠብ ጥብቅ ማስጠንቀቂያ አስተላልፏል።

መንግስት በሀገሪቱ ሰላምና ደህንነት ላይ ስጋት የሚፈጥሩ መሰል የሳይበር ጥሰቶችን በሚፈጽሙ አካላት ላይ የማያዳግም ህጋዊ እርምጃ እንደሚወስድ በማረጋገጥ፣ ዜጎች መረጃዎችን ከታመኑና ይፋዊ ምንጮች ብቻ እንዲቀበሉ ጥሪ አቅርቧል።

ይህ ክስተት ዲጂታል መድረኮችን ለሀሰተኛ ፕሮፓጋንዳና ለህገ-ወጥ ተግባራት የሚጠቀሙ አካላትን ለመቆጣጠር መንግስት የጀመረውን ሰፊ ዘመቻ አካል መሆኑ ተገልጿል።