“በኢራን ድርጊት ትልቅ የክህደት ስሜት ተፈጥሮብናል”

የኳታር ጠቅላይ ሚኒስትር ሼክ መሀመድ ቢን አብዱራህማን አል ታኒ፣ ኢራን በቅርቡ በባህረ ሰላጤው ሀገራት ላይ የፈጸመችውን ጥቃት ተከትሎ የተሰማቸውን “ከፍተኛ የክህደት ስሜት” ለስካይ ኒውስ በሰጡት ቃለ ምልልስ ገለጹ።

ኳታር እና ጎረቤቶቿ በኢራን ላይ በሚደረግ ማንኛውም ጦርነት ውስጥ እንደማይሳተፉ ቢገልጹም፣ ጦርነቱ በተጀመረ በአንድ ሰዓት ውስጥ ጥቃት መሰንዘሩ እንዳሳዘናቸው ተናግረዋል።

ይህ የኢራን “የተሳሳተ ስሌት” ዲፕሎማሲያዊ ጥረቶችን ያበላሸና ፕሬዝዳንት ማሱድ ፔዜሽኪያን በገቡት ቃል ላይ ጥርጣሬ የፈጠረ መሆኑን ጠቁመዋል።

ኳታር ለጥቃቱ የቀረቡ ሰበቦችን ሙሉ በሙሉ ውድቅ ያደረገች ቢሆንም፣ አሁንም በቀጠናው መረጋጋት እንዲሰፍን ከኢራን ጋር የጀመረችውን ንግግር እንደምትቀጥል አረጋግጠዋል።