አለም አቀፉ የአየር ትራንስፖርት ማህበር (IATA) የወጣው አዲስ መረጃ እንደሚያመለክተው፣ በተለያዩ አገራት ወደ ውጭ መላክ ሳይቻል የተያዘው የአየር መንገዶች የገንዘብ መጠን አሳሳቢ ደረጃ ላይ ደርሷል። በተለይም በኢትዮጵያ እና በኤርትራ ያለው የገንዘብ መጠን መጨመሩን ሪፖርቱ ጠቁሟል።
በተቋሙ መረጃ መሠረት፣ በኢትዮጵያ ወደ ውጭ ሳይላክ የቆየው የገንዘብ መጠን 54 ሚሊዮን የአሜሪካ ዶላር ደርሷል። ይህም ባለፈው ዓመት ጥቅምት 2024 ላይ ከነበረበት 43 ሚሊዮን ዶላር የ11 ሚሊዮን ዶላር ጭማሪ አሳይቷል።
በጎረቤት ሀገር ኤርትራ በኩል የተያዘው የገንዘብ መጠን ደግሞ 78 ሚሊዮን ዶላር የደረሰ ሲሆን፣ ይህም አገሪቱን በዓለም አቀፍ ደረጃ ከፍተኛ ገንዘብ ከያዙ ሀገራት 6ኛ ደረጃ ላይ አስቀምጧታል።
ኢትዮጵያ በ2024 አጋማሽ ላይ የብርን ዋጋ በገበያ እንዲወሰን ማድረጓን ተከትሎ፣ የተያዘው ገንዘብ ከ149 ሚሊዮን ዶላር ወደ 43 ሚሊዮን ዶላር ዝቅ ብሎ የነበረ ቢሆንም፣ አሁን ላይ አሃዙ በድጋሚ ማደግ መጀመሩ ተመልክቷል።
በዓለም ዙሪያ በድምሩ 1.2 ቢሊዮን ዶላር የተከማቸ ሲሆን፣ 89 በመቶው የሚገኘው በሚከተሉት 10 አገራት ውስጥ ነው ። በተለይ በቀዳሚነት አልጄሪያ 307 ሚሊዮን ዶላር ፣ ሞዛምቢክ 91 ሚሊዮን ዶላር ኤርትራ ደግሞ 78 ሚሊዮን ዶላር በስምንተኛ ደረጃ ላይ የምትገኘዉ ኢትዮጵያ ደግሞ 54 ሚሊዮን ዶላር መድረሱ ተነግሯል።