የቀድሞ ሰላም ሚንስትር ደኤታ አቶ ታዬ ዳንዳዓ ዛሬ ጠዋት ከችሎት በኃላ ከመኖሪያ ቤታቸው በፖሊስ መወሰዳቸውን ባለቤታቸው ገለፁ።
የአቶ ታዬ ባለቤት ወ/ሮ ስንታየሁ አለማየሁ ለቲክቫህ ኢትዮጵያ እንደተናገሩት ከጠዋት የችሎት ቀጠሯቸውን ተከታትለው ወደ ቤታቸው ከተመለሱ በኃላ ከቀኑ አስር ሰዓት ግደማ ከመኖርያ ቤታቸው ” ለጥያቄ ትፈለጋለህ ” በማለት የፌዴራል ፖሊስ አባላት እንደወሰዳቸው ተናግረዋል።
ወ/ሮ ስንታየሁ አክለውም ፖሊሶቹ ሜክሲኮ በሚገኘው ፌደራል ፖሊስ ወንጄል ምርመራ ቢሮ እንደሚወስዷቸው እንደነገሯቸውና እርሳቸውም ባለቤታቸውን ለማግኘት ወደ ወንጀል ምርመራ ቢሮ እየሄዱ እንደሆነ ገልፀውልናል።
ቲክቫህ ኢትዮጵያ
አዲስ አበባ