አቶ ሳሙኤል ታፈሰ በካናዳ ሀገር ሊሸለሙ ነው

የሰንሻይን ኢንቨስትመንት ግሩፕ መስራችና ሊቀመንበር አቶ ሳሙኤል ታፈሰ በንግዱ ዘርፍ ላበረከቱት ላቅ ያለ አስተዋፅኦ እና ለበጎ አድራጎት ሥራዎቻቸው በካናዳ የሚሰጠውን የ“ቢቂላ ሽልማት” ሊሸለሙ ነው።

ባለሀብቱ ከምንም ተነስተው በኢትዮጵያ ውስጥ ግዙፍ የቢዝነስ ተቋም መገንባት በመቻላቸው ለዚህ ክብር የበቁ ሲሆን በመጪው መስከረም 28 ቀን 2026 ዓ.ም በቶሮንቶ ከተማ በሚካሄደው ደማቅ የሽልማት ሥነ-ሥርዓት ላይ በአካል ተገኝተው ዕውቅናቸውን የሚረከቡ ይሆናል።

​ዘንድሮ 12ኛ ዓመት የምስረታ በዓሉን የሚያከብረውና በካናዳ ነዋሪ በሆኑ ኢትዮጵያውያን የተመሠረተው የቢቂላ ሽልማት ተቋም በትምህርት፣ በንግድ፣ በሙያና በማኅበራዊ አገልግሎት ዘርፎች የላቀ ስኬት ያስመዘገቡ አርአያዎችን በየዓመቱ ይሸልማል።

በዘንድሮው መርሃ ግብር ላይ ከአቶ ሳሙኤል በተጨማሪ አዶናይ ብርሃኔ፣ አና ጌታነህ፣ ዶክተር ምህረት ደበበ እና አቶ ግዛው በቀለ በተለያዩ የሙያ ዘርፎች ዕውቅና የሚያገኙ ሲሆን ታዋቂው ሎሬት አርቲስት አፈወርቅ ተክሌ ደግሞ የዕድሜ ልክ የክብር ሽልማት ተበርካች ይሆናሉ።