ብሩኖ ፈርናንዴዝ የአል ሂላልን የዝውውር ጥያቄ ውድቅ አደረገ

ፖርቹጋላዊው የማንችስተር ዩናይትድ ኮከብ ብሩኖ ፈርናንዴዝ ከሳዑዲው ክለብ አል ሂላል የቀረበለትን እጅግ ውድ የተባለ ዝውውር ጥያቄ ውድቅ አድርጓል።

ቡሩኖ ፈርናንዴዝ በዓመት 66.6 ሚሊየን ፓውንድ የሚያስገኝለትን የዝውውር ጥያቄ ቢቀርብለትም በቀይ ሰይጣኖቹ ቤት መቆየትን ምርጫው አድርጓል፡፡

አል ሂላል ለ30 አመቱ አማካይ በሁለት አመት 200 ሚሊየን ፓውንድ ለመክፈል ቢዘጋጅም የቀድሞው የስፖርቲንግ ሊዝበን አማካይ ከአሰልጣኝ ሩብን አሞሪም ጋር ለመስራት መወሰኑን ስካይ ስፖርት ዘግቧል፡፡

በቀጠይ አመት ከገባበት የውጤት ቀውስ ለመውጣት ከአሁኑ እየሰራ የሚገኝው ዩናይትድ ቀደም ብሎ ማቲያስ ኩንሀን ማስፈረሙ የሚታወቅ ሲሆን ብሪያን ምቡሙን ከብሬንትፎርድ ለማስፈረም በንግግር ላይ ይገኛል፡፡