የኢራኑ ፕሬዚዳንት በአደባባይ

የኢራኑ ፕሬዚዳንት ማሱድ ፔዜሽኪያን የአሜሪካን እና እስራኤልን ጥቃት ለማውገዝ ከህዝባቸው ጋር ለተቃውሞ ወደ አደባባይ ወጡ፡፡

ፕሬዚዳንቱ ድርጊቱን ለማውገዝ በተጠራው ሰልፍ ላይ በዋና ከተማዋ ቴህራን ታይተዋል።

አሜሪካ በኢራን የኑክሌር ማብላያ ጣቢዎች ላይ ጥቃት መሰንዘሯን ተከትሎ ነው ሰልፎች እየተደረጉ ያሉት፡፡

“ሞት ለአሜሪካ !” በሚል መፈክር ዜጎች አደባባይ በወጡበት አጋጣሚ ፕሬዚዳንቱ አብረው መታየታቸው የጉዳዩን አሳሳቢነት ይጠቁማል ተብሏል።

በጸረ-አሜሪካው ተቃውሞ ላይ ከተማሪዎች ጋር ሲንቀሳቀሱ ታይተዋል ማሱድ ፔዜሽኪያን፡፡

“ለትልቁ ጦርነት ተዘጋጅተናል” የሚሉ ጽሁፎችም በቴህራኑ ተቃውሞ ላይ ጎላ ብለው ሲታዩ እንደነበር መህር ኒውስ አስነብቧል፡፡

ፕሬዚዳንት ማሱድ ፔዜሽኪያን የአሜሪካን ጥቃት ያወገዙ ሲሆን፣ ጥቃቱ የዓለምን ህግ እና ሥርዓት እንደመናድ ይቆጠራል በሚል ቀደም ሲል መኮነናቸው አይዘነጋም፡፡

በሄግ ኒዘርላንድስ ፣ በለንደን እንግሊዝ እና በኒው ዮርክ  አሜሪካ ሰልፎች ተደርገዋል፡፡