የጦስኝ ጥቅሞች ምንድን ናቸው ?

ጦስኝ በውስጡ የተለያዩ ለጤና ጠቃሚ የሆኑ ንጥረ-ነገሮችን የያዘ ሲሆን፤ ከእነዚህም መካከል በዋናነት የሚጠቀሱት የሚከተሉት ናቸው:-

1.በአንቲኦክሲደንት የበለፀገ ነው (Rich In Antioxidants)

እንደ ታይሞል (thymol)፣ ካርቫክሮል (carvacrol) እና ሮዝማሪኒክ አሲድ (rosmarinic acid) ያሉ ውህዶችን በውስጡ ስለሚይዝ የሰውነታችንን ሕዋሳት ከጉዳት ለመጠበቅ ይረዳል።

2.የበሽታ መከላከል አቅምን ያጠናክራል (Supports Immune System)

በውስጡ የሚገኙት ፀረ-ተህዋስያን (antimicrobial) እና ፀረ-ባክቴሪያ (antibacterial) ባህሪያት፤ ሰውነታችን ከኢንፌክሽን ጋር እንዲዋጋ ያግዙታል።

3.ለመተንፈሻ አካላት ጤና ተመራጭ ነው (Respiratory Health)

በተለምዶ ሳልን፣ የጉሮሮ ሕመምን፣ ብሮንካይተስን (bronchitis)፣ እና የደረት መታፈንን (መጨናነቅን) ለማስታገስ ከጥንት ጀምሮ ሲያገለግል ቆይቷል።

4.የሰውነት መቆጣትን (ብግነትን) ይቀንሳል (Anti-Inflammatory Effects) 

በሰውነታችን ውስጥ የሚከሰትን ኢንፍላሜሽን (inflammation) በመቀነስ ለመገጣጠሚያ እና ለጡንቻ ጤንነት ጠቃሚ አስተዋፅኦ ያበረክታል።

5.የምግብ መፈጨትን ያግዛል (Digestive Support)

የምግብ መፈጨት ሂደትን በማነቃቃት፤ የሆድ መነፋትን እና ጋዝን ለመቀነስ ይረዳል።

6.ለቆዳ ጤንነት ጠቃሚ ነው (Skin Health)

በውጪ በኩል (Topical) ጥቅም ላይ በሚውልበት ጊዜ (ሲቀቡት) በፀረ-ተህዋስያን (antiseptic) ባህሪው ምክንያት በቆዳ ላይ የሚወጣ ብጉር እና ሌሎች ቀላል የቆዳ ኢንፌክሽኖችን ለማከም ይረዳል።

7.የልብ ጤናን ይደግፋል (Heart Health)

በውስጡ በሚገኘው ፍላቮኖይድ (flavonoid) አማካኝነት የደም ግፊትን እና የኮሌስትሮል መጠንን ለመቀነስ ይረዳል።

8.የአፍ ጤናን ለመጠበቅ ያገለግላል (Oral Health)

መጥፎ የአፍ ጠረንን እና የድድ ችግሮችን ለመዋጋት በሚረዱ የአፍ መጉመጥመጫዎች (mouthwashes) ውስጥ በሥፋት ጥቅም ላይ ይውላል።

(Ethio Tena)