ጋና ለግብረሰዶማውያን የ3 ዓመት እስራት ደነገገች

​የጋና ፓርላማ የሀገሪቱን ባህላዊና ቤተሰባዊ እሴቶች ለመጠበቅ በሚል ግብረሰዶማዊነትን እና የኤል.ጂ.ቢ.ቲ.ኪው እንቅስቃሴዎችን ሙሉ በሙሉ የሚያግድ ጥብቅ ህግ አጽድቋል።

በአዲሱ ድንጋጌ መሰረት፣ ራሳቸውን እንደ ግብረሰዶማዊ አድርገው በሚገልጹ ግለሰቦች ላይ እስከ 3 ዓመት የሚደርስ ፅኑ እስራት ይፈረድባቸዋል።

​የህጉ አቅራቢ የሆኑት ሰበካው ጆን ንቲም ፎርድጆር፣ እርምጃው የጋናን ማህበረሰባዊ እሴት ለማስከበርና ፍትህን ይበልጥ ጠንካራ ለማድረግ የታለመ መሆኑን ገልጸዋል።

ይሁን እንጂ ሕጉ ግብረሰዶማውያንን ከመቅጣት ባለፈ፣ ማንኛውም ዜጋ መሰል እንቅስቃሴዎችን ሲመለከት ለፖሊስ የመጠቆም ህጋዊ ግዴታ ጥሎበታል።

ይህ የጋና እርምጃ በቅርቡ ተመሳሳይ ህጎችን ካጸደቁት እንደ ሴኔጋል እና ኡጋንዳ ካሉ የአፍሪካ ሀገራት ተሞክሮ ጋር የሚቀራረብ ሆኗል።