ጠቅላይ ሚኒስትር ዐቢይ ፈረንሳይ ገቡ

የኢትዮጵያ እና የፈረንሳይ የሁለትዮሽ ትብብር በብዙ ዘርፎች መቀጠሉን ጠቅላይ ሚኒስትር ዐቢይ አሕመድ (ዶ/ር) ገለጹ።

ጠቅላይ ሚኒስትር ዐቢይ አሕመድ (ዶ/ር) ከፈረንሳይ ፕሬዝዳንት ኢማኑኤል ማክሮን  ጋር  ዛሬ ማምሻውን በፓሪስ የሁለትዮሽ ውይይት አድርገዋል።

ጠቅላይ ሚኒስትሩ ከፕሬዝዳንት ኢማኑኤል ማክሮን ጋር  ግንኙነታችንን እና ትብብራችንን በሚያጠናክሩ ሰፋ ያለ መጠነ ርዕይ ባላቸው ርዕሰ ጉዳዮች ላይ መወያየት ምንግዜም አስደሳች ነው ሲሉ በማህበራዊ ትስስር ገጻቸው ባሰፈሩት መልዕክት ገልጸዋል።

ለተደረገልን ደማቅ አቀባበል እና በታኅሳስ ወር በአዲስ አበባ ከነበረን ውይይት ቀጥለን ስላካሄድነው ፍሬያማ ውይይት ምስጋናዬን እገልጻለሁ ብለዋል።

ትብብራችን በብዙ ጠቃሚ ዘርፎች የቀጠለ ሲሆን የንግድ ትስስሮቻችንን የበለጠ ማሳደግ ከቅድሚያ የትኩረት ማዕከሎቻችን አንዱ ነው ሲሉም ገልጸዋል።