ስለ ተፈቀዱ የፕላስቲክ ማሸጊያዎች

ዕረቡ የካቲት 18 2018 ዓ.ም የኢትዮጵያ አካባቢ ጥበቃ ባለስልጣን፥ ” በደረቅ ቆሻሻ አያያዝና አወጋገድ አዋጅ ቁጥር 1383/2017 መሰረት የፕላስቲክ ማሸጊያ ማለት እቃዎችን ከብክለት ለመከላከል ወይንም ከሌላ ነገር ጋር እንዳይቀላቀል ለማድረግ በእቃው አምራች ጥቅም ላይ የሚውል ከፕላስቲክ የሚዘጋጅ መጠቅለያ ወይም መያዣ ነው የሚል ትርጉም ተሰጥቶታል ” ብሏል።

በዚህም መሰረት ፦
– የምግብ፣
– የባልትና ውጤቶችን፣
– ለላውንደሪ አገልግሎት እና ሌሎች ምርቶችን ለማሸግ የሚውሉ የፕላስቲክ ማሸጊያዎች በአዋጁ የተፈቀዱ መሆኑን ገልጿል።

የእነዚህ ማሸጊያዎች የቆሻሻ አያያዝ በአዋጁ እና አዋጁን ተከትለው በሚወጡ የማስፈፀሚያ ህጎች እንደሚተገበር አመልክቷል።

(የኢትዮጵያ አካባቢ ጥበቃ ባለስልጣን)