አዲስ አበባ እና የህንጻ እድሳት

በአዲስ አበባ ከተማ በተለያዩ ሰፍራዎች ከ24 ሺህ በላይ አዳዲስ ህንፃዎች በግንባታ ላይ ናቸው ተባለ። ይህን ያለን የከተማዋ የግንባታ ፈቃድ ባለስልጣን ነው ።

ግንባታዎቹ ለተለያዩ ማህበራዊ  ኢኮኖሚያዊ ለንግድ ማዕከላት የሚውሉ ሲሆኑ ለከተማ አጠቃላይ ዕድገት፣ ኢኮኖሚያዊ መነቃቃትና የሥራ ዕድል ፈጠራ ትልቅ ጥቅም እንዳላቸው  ተቋሙ ገልጾልናል ።

ይህ በእንዲህ እንዳለም በአዲስ አበባ የህንፃዎች ግንባታ የደህንነት አጠባበቅ ከፍተኛ ክፍተት ያለበት እንደሆነ መገምገሙን ሰምተናል።

ይህን መልክ ለማስያዝ  የግንባታ የደህንነት መመሪያዎች በተገቢው መልኩ እንዲተገበሩ አሳስቧል ።

ቀደም ብሎም በጥቅሉ በከተማዋ የሚገኙ የህንፃ ባለቤቶች ከ11 ቢሊየን ብር በላይ ወጪ በማድረግ 24 ሺህ ህንፃዎችን ደረጃቸውን ጠብቀው እንዲታደሱ ተደረገዋል ።

በዚህም የከተማዋን ድረጃ ከፍ ከማድረጋቸውም ባሻገር ለበርካቶች የስራ እድልን መፍጠራቸወን  ተገልጿል ።