ማዕቀቦች የኢራንን የኒውክሌር መርሃ-ግብር ቢያደናቅፉም መንግስቱን ሊጥሉ እንደማይችሉ ተገለጸ

ማዕቀቦች የኢራንን ወታደራዊ እና የኒውክሌር እንቅስቃሴዎች አስቸጋሪና ውድ እንዲሆኑ ቢያደርጉም፣ የእስላማዊት ሪፐብሊክን መንግስት ብቻቸውን ከስልጣን ሊያወርዱ እንደማይችሉ አንድ የቀድሞ የአሜሪካ ባለስልጣን ተናገሩ።

የቀድሞ የአሜሪካ የግምጃ ቤት ባለስልጣን እና የጦር መሳሪያ ግዢ ባለሙያ የሆኑት ኬሪ ቢትሶፍ ለኢራን ኢንተርናሽናል በሰጡት ቃለ-ምልልስ እንዳመለከቱት፣ በኢራን ላይ የተጣሉ ማዕቀቦች ሀገሪቱ ለጦር መሳሪያ እና ለኒውክሌር ስራዎቿ የምታወጣውን ወጪ በእጅጉ እንዲንር አድርገውታል።

ባለሙያዋ አክለውም፣ ማዕቀቦቹ ኢራን የምትፈልጋቸውን ቴክኖሎጂዎች እና ግብዓቶች በቀላሉ እንዳታገኝ እንቅፋት በመሆን የገንዘብ እና የጊዜ ብክነት እንዲደርስባት እንደሚያደርጉ ገልጸዋል።

ይህም የሀገሪቱን ወታደራዊ አቅም ለመገንባት የሚደረገውን ጥረት አዝጋሚ ያደርገዋል።

ሆኖም ግን፣ ማዕቀብ እንደ አንድ የፖሊሲ መሳሪያ የኢራንን መንግስት እንቅስቃሴዎች ለመገደብ ይረዳል እንጂ፣ መንግስቱን ብቻውን ሊያፈርስ ወይም ሊጥል እንደማይችል ቢትሶፍ አፅንዖት ሰጥተዋል።

እንደ ባለሙያዋ ገለፃ፣ ማዕቀቦች ውጤታማ የሚሆኑት ከሌሎች ዲፕሎማሲያዊ እና ፖለቲካዊ እርምጃዎች ጋር ተቀናጅተው ሲተገበሩ ብቻ ነው።

ኢራን በአሁኑ ወቅት ከባድ የኢኮኖሚ ማዕቀቦች ተጥለውባት የሚገኙ ሲሆን፣ አሜሪካ እና ምዕራባውያን ሀገሪቱ የኒውክሌር ጦር መሳሪያ እንዳታበለጽግ ከፍተኛ ጫና እያደረጉባት ይገኛሉ።