በአዲስ አበባ ታዋቂ ዓለም አቀፍ ትምህርት ቤቶች ላይ የግብር ምርመራ ተጀመረ

የገቢዎች ሚኒስቴር በአዲስ አበባ ከሚገኙት ታዋቂ ዓለም አቀፍ ትምህርት ቤቶች በሆኑት ኢንተርናሽናል ኮሚዩኒቲ ስኩል (አይሲ ኤስ) እና ሳንድፎርድ ኢንተርናሽናል ስኩል ላይ በግብር እና በአስተዳደር መጓደል ጥርጣሬ በአንድ ጊዜ አጠቃላይ የገንዘብ ክትትል እና ምርመራ ጀምረዋል።

“የአሜሪካ ትምህርት ቤት” እየተባለ በሚጠራው አይ ሲ ኤስ ላይ የገቢዎች ሚኒስቴር  የግብር ምርመራ ቡድን ከፍተኛ ክትትል እያደረገ ነው። ምርመራው ትኩረት ያደረገው በተቋሙ የግብር ነፃነት ደረጃ ላይ መሆኑ ተገልጿል።

ተቋሙ የበጎ አድራጎት ተቋም ተብሎ በመመደቡ ለረጅም ጊዜ ከግብር ነፃ ሁኔታ ሲጠቀምበት የነበረ ቢሆንም፣ በከተማው ከፍተኛውን የትምህርት ክፍያ ማስከፈሉ ይህንን ደረጃ ጥያቄ ውስጥ እንዲያስገባ አድርጓል

ምንጮች እንደሚገልጹት፣ አይሲኤስ ለውጭ ሠራተኞቹ ደመወዝ የተወሰነውን ክፍል ወደ ውጭ አገር ሂሳቦች የሚልክበትን “ባለሁለት ክፍያ ሥርዓት” እንደሚጠቀም ተጠርጥሯል ብለዋልይህም ከፍተኛ የግብር ማጭበርበር ሊሆን ይችላል የሚል ስጋት ፈጥሯል።

የገቢዎች ሚኒስቴር ከሌሎች ተቆጣጣሪ አካላት ጋር በመተባበር በዚህ ዓለም አቀፍ ክፍያ ምክንያት ስለተፈጸመው የግብር ስወራ ጥልቅ ማጣራት እያደረገ መሆኑን የውስጥ ሰነዶች ያረጋግጣሉ

በተመሳሳይ ሁኔታ የገቢዎች ሚኒስቴር በሳንድፎርድ ኢንተርናሽናል ስኩል (ኤስ አይ ኤስ) ላይ የተለየ ምርመራ እያካሄደ ነው

ሚኒስቴሩ ሳንፎርድ የበጎ አድራጎት ተቋም ሆኖ ቢመዘገብም፣ ከወላጆች በሚያስከፍለው ከፍተኛ ክፍያ ምክንያት ለትርፍ የተቋቋመ አካል ሆኖ እየሰራ ነው የሚል ክርክር አቅርቧል በዚህም መሰረት፣ ከትምህርት ክፍያ የተገኘው ገቢ ከግብር ነፃ ሳይሆን ለግብር የሚከፈልበት ነው ብሏል