በኢትዮጵያ የዴንማርክ አምባሳደር የሥራ ጉብኝት አደረጉ

በኢትዮጵያ የዴንማርክ አምባሳደር ክቡር ሱን ክሮግስትረፕ በፌዴራል ጠቅላይ ፍርድ ቤት በመገኘት የሥራ ጉብኝት አድርገዋል።

አምባሳደሩ በፍርድ ቤቱ ያለውን የቴክኖሎጂ መሠረተ ልማት ተዘዋውረው የተመለከቱ ሲሆን፣ የዳኝነት ሥርዓቱን ግልጽነትና ተጠያቂነት ለማስፈን እየተከናወነ ያለው የዲጂታላይዜሽን ሥራ የሚደነቅ እመርታ መሆኑን ገልጸዋል።

የፌዴራል ጠቅላይ ፍርድ ቤት ፕሬዝዳንት ክቡር አቶ ቴዎድሮስ ምህረት በበኩላቸው፣ የዴንማርክ የሰብዓዊ መብቶች ተቋም ለኢትዮጵያ ዳኞች ለሰጠው የሙያ ሥልጠና ምስጋና አቅርበው፤ በሁለቱ አገራት መካከል ያለው ግንኙነት በፍትሕ ዘርፉ ይበልጥ እንዲጠናከር ፍላጎታቸውን ገልጸዋል።

አምባሳደር ሱን ክሮግስትረፕም ዴንማርክ ከኢትዮጵያ የፍትሕ አካላት ጋር ያላትን አጋርነት አጠናክራ ለመቀጠል ዝግጁ መሆኗን አረጋግጠዋል።

ይህ ጉብኝት በሁለቱ አገራት መካከል ያለውን የሁለትዮሽ ትብብር ወደ ላቀ ደረጃ እንደሚያሸጋግረው ይጠበቃል።