ኢራንን ለመምታት የዩናይትድ ስቴትስ ጄቶች ከምድሯ ይነሱ እንደነበር እሥራኤል ይፋ አደረገች

የእሥራኤል መከላከያ ሚንሥትር እሥራኤል ካትስ የዩናይትድ ስቴትስ የጦር ጄቶች ኢራንን ለመደብደብ ከአገራቸው ይነሱ እንደነበር ተናገሩ ።

ዩናይትድ ስቴትስ ላለፉት ሁለት ሳምንታት ግድም ኢራንን ዳግም ስትደበድብ ቆይታ በድንገት ድብደባውን ባለፈው ዐርብ ጋብ አድርጋ አቋርጣለች ። በሁለት ሣምንቱ የኢራን ድብደባ እሥራኤል እንደ ከዚህ ቀደሙ ከዩናይትድ ስቴትስ ጋር ተባብራ ድብደባ አልፈጸመችም ።

ምድሯን ለዩናይትድ ስቴትስ ጦር ጄቶች ክፍት በማድረጓ ለሚደርስባት ማናቸውም ጥቃት የአጸፌታ ምላሽ ለመስጠት ዝግጁ መኾኗንም ይፋ አድርጋለች ።

የእሥራኤል ጠቅላይ ሚንሥትር ቤኒያሚን ኔታንያሁ አገራቸው ከዩናይትድ ስቴትስ ጋር በጋራ ኢራን ላይ ጦርነት ከከፈተችበት ጊዜ አንስቶ ለመጀመሪያ ጊዜ ከፕሬዚደንት ዶናልድ ትራምፕ ጋር ይመክራሉ ተብሏል ።

እሥራኤል እና ዩናይትድ ስቴትስ ከሔዝቦላህ ጋር የነበራቸውን ጦርነት በተመለከተ ከሊባኖስ ጋር ስለደረሱበት ስምምነትም ይነጋገራሉ ተብሎ ይጠበቃል ።