ጋዜጠኛ ሳልሳዊት ባይነሳኝ መፈታቷን ተረጋገጠ

የጋዜጠኞች መብት ተሟጋቹ ድርጅት (CPJ) የኢትዮጵያ መንግስት ባለስልጣናት ጋዜጠኛዋን  በአስቸኳይ ከእስር እንዲለቁ ዛሬ ባወጣው መግለጫ ጠይቆ ነበር ።

የጋዜጠኛዋ ታናሽ እህት ኃይማኖት ባይነሳኝ እንዳሉት ሳልሳዊት ከ13 ቀናት እስር በኋላ ዛሬ ከሰዓት በኋላ አስር ሰዓት አካባቢ ከእስር ተለቃለች።

ጋዜጠኛ ሳልሳዊት ባለፈው ግንቦት 24 ቀን 2018 ዓ/ም  ከተከናወነው ምርጫ ማግስት በኦሮሚያ ክልል ስለደረሰው ጥቃት  በማህበራዊ መገናኛ ገጾቿ ላይ በመተቸቷ  ሰኔ 1 ቀን 2018 ዓ/ም አዲስ አበባ ውስጥ ከሚገኘው መኖሪያ ቤቷ ተወስዳ መታሰሯን ቤተሰቦቿ ገልጸው ነበር።

የሲፒጄ  የአፍሪካ ዳይሬክተር አንጄላ ኩዊንታል ጋዜጠኛዋ ያለ ምንም ክስ ፍርድ ቤት ሳትቀርብ በእስር ላይ እንድትቆይ መደረጉ «የሰብአዊ መብት ጥሰት ነው» ማለታቸውን የፈረንሳይ ዜና አገልግሎት ዘግቧል።

የኢትዮጵያ መንግስት ባለስልጣናት ጋዜጠኛዋን በአስቸኳይ እንዲፈቱ ወይም ክሷን በግልጽ አሳውቀው ፍርድ ቤት እንዲያቀርቧት ድርጅቱ ጥሪ አቅርቦ ነበር።

ቀደም ሲል በመንግስት መገናኛ ብዙሃን ትሰራ የነበረችው ሳልሳዊት፣ በገለልተኛ ማህበራዊ ሚዲያ ላይ የምታቀርበው ትችት ለመታሰሯ ምክንያት ሳይሆን እንዳልቀረ ይታመናል።