የሳይንስና ቴክኖሎጂ መዝገበ ቃላትን የያዘ መጽሐፍ ተመረቀ

ከ11 ሺህ በላይ የሳይንስና ቴክኖሎጂ ቃላትን ይዟል

የሳይንስና ቴክኖሎጂ መዝገበ ቃላትን በአማርኛና እንግሊዘኛ ቋንቋዎች የያዘ መጽሐፍ ተመርቋል።

‎በመዝገበ ቃላቱ የመጀመሪያው ዕትም ከ11 ሺህ በላይ የሳይንስና ቴክኖሎጂ ቃላት አቻ ስያሜ ለመስጠት ጥረት መደረጉ ተነግሯል፡፡

‎በምረቃ ሥነ ሥርዓቱ ላይ  የኢኖቬሽንና ቴክኖሎጂ ሚኒስትር ዶ/ር በለጠ ሞላ፣ የኢትዮጵያ ሳይንስ አካዳሚ ፕሬዚዳንት ፕ/ር በላይ ካሳ  እንዲሁም  ምሁራንና ጥሪ የተደረገላቸው እንግዶች ተገኝተዋል።

‎ዶ/ር በለጠ ሞላ በዚህ ወቅት እንዳሉት ÷ መጽሐፉ በየጊዜው እያደገና እየተሻሻለ የሚሄድ ዘመን ተሻጋሪ ሥራ ነው።

‎ሳይንሳዊ እውቀትን በሀገር ውስጥ ቋንቋ በመተርጎም ከፍተኛ አስተዋጽኦ እንደሚያበረክትም ተናግረዋል፡፡