የተሻሻሉ የቡና ምርጥ ዘሮችን ማቅረቡን የቡናና ሻይ ባለስልጣን አስታወቀ

የኢትዮጵያ ቡናና ሻይ ባለስልጣን 49 የተሻሻሉ የቡና ምርጥ ዘሮችን ማቅረቡን ለጣቢያችን አስታዉቋል፡፡

ከኢትዮ ኤፍኤም ጋር ቆይታ ያደረጉት የኢትዮጵያ ቡናና ሻይ ባለስልጣን ምክትል ዋና ዳይሬክተር አቶ ታጋይ ኑሩ፤ የአየር ንብረትን መቋቋም የሚችሉ የቡና ምርጥ ዘሮችን ማቅረባቸዉን ነግረዉናል፡፡

ከቡና ምርጥ ዘሮች በተጨማሪ መድኃኒትነት ያላቸዉን ቅመማቅሞችም ባለስልጣኑ ማቅረቡን ተናግረዋል፡፡

አሁን ላይ 11 የቅመማቅመም ምርቶችን ማቅረቡን የገለጹት ምክትል ዋና ዳይሬክተሩ፤ መዓዛቸዉ ጥሩ የሆኑ እና መድኃኒታቸዉ የተረጋገጠ መሆናቸዉን ገልጸዋል፡፡

ተሻሽለዉ የቀረቡት ምርጥ ዘሮች የአየር ንብረት መቋቋም የሚችሉ መሆናቸዉን ተናግረዋል፡፡