በሮቦቶች ብቻ የሚተዳደር የአለማችንን የመጀመርያውን ሆቴል

ቻይና በፈረንጆቹ 2027 ሙሉ በሙሉ በሮቦቶች ብቻ የሚተዳደረውን የዓለማችንን የመጀመሪያውን ሆቴል በጓንግዶንግ ግዛት ለመክፈት አቅዳለች።

የዚህ ታሪካዊ ፕሮጀክት የሙከራ ትዕይንት በ2026 መገባደጃ ላይ የሚጀመር ይሆናል።

በታዋቂው “ፑዱ ሮቦቲክስ” ኩባንያ የሚገነባው ይህ ሆቴል፤ ለእንግዶች መስተንግዶ፣ ለክፍል አገልግሎት፣ ለጽዳት፣ ለምግብ ዝግጅት፣ ለሻንጣ ማጓጓዝ እንዲሁም ለአጠቃላይ የእንግዳ መስተንግዶ አርቴፊሻል ኢንተለጀንስ (AI) የታጠቁ ሮቦቶችን በስራ ላይ ያሰማራል።

ይህንን ዘመናዊ አገልግሎት ልዩ የሚያደርገው በርካታ ሮቦቶች “PuduFM 1.0” እና “PuduAgent” በተባሉ የቴክኖሎጂ ሲስተሞች አማካኝነት እርስ በርስ መገናኘት መቻላቸው ነው።

ይህም ሮቦቶቹ መረጃዎችን እንዲለዋወጡና በመላው ሆቴሉ ውስጥ የሚከናወኑ ተግባራትን በቅንጅት እንዲመሩ ያስችላቸዋል።

ይህ ግዙፍ ፕሮጀክት በ”ሼንዘን የባህል እና ቱሪዝም ኢንዱስትሪ ልማት” እና በ”ሼንዘን-ዦንግሻን ሊንክ” ምዕራባዊ ሰው ሰራሽ ደሴት ልማት ትብብር የሚከናወን ነው።