ኢራን አሜሪካንንና አጋሮቿን አስጠነቀቀች

“ኢራን ሚሳኤሎችን የምታስወነጭፍ ከሆነ ቴህራን ትቃጠላለች” -እስራኤል

እስራኤል የፈጸመችውን ጥቃት ተከትሎ፣ ኢራን አጸፋዊ ሚሳኤሎችን ያስወነጨፈችበት የሁለቱ አገራት ፍጥጫ ሁለተኛ ቀኑን ይዟል።

*እስራኤል በድጋሚ አርብ ምሽት በፈጸመችው ጥቃት በርካታ ኢላማዎች መምታቷን አስታውቃለች።

*በቴህራን የመኖሪያ ህንጻ ላይ በተፈጸመ ጥቃት 20 ህጻናትን ጨምሮ 60 ሰዎች መሞታቸውን የኢራን መንግሥታዊ ሚዲያ ዘግቧል።

*በኢራን አጸፋዊ የሚሳኤል ጥቃቶች ሦስት ሰዎች ሲገደሉ በርካቶች መቁሰላቸውን ባለስልጣናት ተናግረዋል።

*አሜሪካ ወደ ግጭቱ እንድትገባ ከተደረገች ሁኔታዎች የበለጠ ሊያገረሹ ይችላሉ ተብሏል።

*ኢራን ሚሳኤሎችን የምታስወነጭፍ ከሆነ መዲናዋ “ቴህራን ትቃጠላለች” ሲሉ የእስራኤል የመከላከያ ሚኒስትር አስጠንቅዋል።

• የእስራኤል መከላከያ ኃይል ዘጠኝ የኢራን የኒውክሌር ሳይንቲስቶችንና ባለሙያዎችን ገድያለሁ አለ። ጦሩ ሐሙስ ለአርብ አጥቢያ በፈጸመው ተከታታይ ጥቃት የገደላቸው የኒውክሌር ሳይንቲስቶች ስድስት ናቸው ብሎ ነበር።

*ኢራን በእስራኤል ላይ እየወሰደች ያለችውን አጸፋዊ እርምጃ ለማስቆም አሜሪካ፣ ፈረንሳይና ዩናይትድ ኪንግደም እስራኤልን የሚያግዙ ከሆነ፣ በቀጣናው የሚገኙ የጦር ሰፈሮቻቸውን ኢላማ እንደምታደርግ ማስጠንቀቋን የኢራን መንግሥታዊ ሚዲያ ዘግቧል።

(ቢቢሲ)