​ዘመን ባንክ በ2017 ዓ.ም. የተጠናቀቀውን የሒሳብ ዓመት ባስመዘገበው አስደናቂ የፋይናንስ ውጤት አጠናቋል። ባንኩ ከቀዳሚው ዓመት ጋር ሲነፃፀር በ145 በመቶ ዕድገት በማሳየት 5.87 ቢሊዮን ብር የተጣራ ትርፍ አስመዝግቧል።

ባንኩ በበጀት ዓመቱ መጨረሻ ላይ 88.6 ቢሊዮን ብር ጠቅላላ ሀብት መመዝገቡን ሪፖርት ያደረገ ሲሆን ይህ አሃዝ ካለፈው ዓመት ጋር ሲነጻጸር የ49.7% ከፍተኛ ዕድገት ያሳየ ነዉ ተብሏል።

የዳይሬክተሮች ቦርድ ሰብሳቢ የሆኑት ወ/ሮ እንዬ ቢምር እንደተናገሩት የባንኩ የተከፈለ ካፒታል 9.39 ቢሊዮን ብር መድረሱንና የተጣራ ትርፍ ደግሞ የ145% ጭማሪ በማሳየት 5.87 ቢሊዮን ብር መድረሱን በመግለፅ ይህም ከቀድሞው ዓመት በ3.5 ቢሊዮን ብር ብልጫ አለዉ ሲሉ ተደምጠዋል።

ቦርዱ ለታክስ፣ ለሕጋዊ ክምችቶችና ለቦርድ ክፍያ ከተቀነሰ በኋላ 4.11 ቢሊዮን ብር የተጣራ ትርፍ ለተቀማጭ ገቢ መተላለፉን አስታውቋል።

ቦርዱ ይህን ሙሉ መጠን ለባለአክሲዮኖች እንደ የአክሲዮን ክፍፍል እንዲከፋፈል ሐሳብ ያቀረበ ሲሆን፣ ይህ ክፍፍል በአማካይ በተከፈለ ካፒታል ላይ ተመስርቶ 47.8% ይሆናል።

CapitalNews