የአረብ ሀገራት በኔቶ  አምሳያ “የተዋሃደ የጸጥታ ኃይል” እንዲቋቋም ጥሪ አቀረቡ

የዓረብ ሀገራት  መሪዎች በኳታር ዋና ከተማ ዶሃ በተካሄደ የአስቸኳይ ጊዜ ስብሰባ ላይ በእስራኤል ላይ ጠንካራ እና የተባበረ ምላሽ ለመስጠት ተስማምተዋል። አንዳንዶችም የዓረቡን ዓለም ደህንነት ለመጠበቅ በኔቶ (NATO) አምሳያ “የተዋሃደ የጸጥታ ኃይል” እንዲቋቋም ጥሪ አቅርበዋል። እሁድ እና ሰኞ ላይ የዓረብ ሊግ እና የእስልምና ትብብር ድርጅት (OIC) አባል ሀገራት “በዓረብ-እስላማዊ ጉባኤ” ላይ ተገናኝተዋል።

ጉባኤው በእስራኤል ላይ የተለየ እርምጃ እንዲወሰድ የሚጠይቅ ውሳኔ አሳልፏል። የእስራኤል ቸልተኛ ድርጊቶች በክልሉ ሰላምና መረጋጋት ላይ ከባድ ስጋት ይፈጥራሉ ሲልም ገልጿል።