የፖለቲካ ፓርቲ የህጋዊ ሰውነት ማረጋገጫ የምስክር ወረቀት ተሰጠ

የኢትዮጵያ ብሔራዊ ምርጫ ቦርድ ለአንድ ክልላዊ የፖለቲካ ፓርቲ የህጋዊ ሰውነት ማረጋገጫ የምስክር ወረቀት መስጠቱን አስታውቋል።

ቦርዱ በኢትዮጵያ የምርጫ፣ የፖለቲካ ፓርቲዎች ምዝገባና የምርጫ ሥነ-ምግባር አዋጅ ቁጥር 1162/2011 ዓ.ም. በተሰጠው ሥልጣን መሠረት ይህንን የክልላዊ ፖለቲካ ፓርቲ የምዝገባና የህጋዊ ሰውነት ማረጋገጫ ሰጥቷል።

የምስክር ወረቀቱ የተሰጠው ውድብ ወልዶ ትግሪይ ለተባለው የፖለቲካ ፓርቲ ነው። ሰነዱ ትላንት ህዳር 5 ቀን 2018 ዓ.ም ተሰጥቷል።

ይህ በህጋዊ ሰነድ መረጋገጡ ፓርቲው በኢትዮጵያ የፖለቲካ ምህዳር ውስጥ የመሳተፍ መብቱንና ሥልጣኑን ያጎናጽፈዋል።