“ ደጋፊዎች በነቂስ ወጥተው እንደሚደግፉን ተስፋ አደርጋለሁ “

የኢትዮጵያ ወጣት ብሔራዊ ቡድን አሰልጣኝ ቤንጃሚን ዚመር ዛሬ ደጋፊው በነቂስ ወጥቶ እንዲያበረታታቸው ጠይቀዋል።

የኢትዮጵያ ከ 17ዓመት በታች ብሔራዊ ቡድን ዛሬ ከዩጋንዳ ጋር ወሳኝ ጨዋታውን ያደርጋል።

ከጨዋታው በፊት አስተያየታቸውን የሰጡት አሰልጣኝ ዚመር “ ደጋፊው በነቂስ ወጥቶ እንደሚደግፈን ተስፋ አደርጋለሁ “ ሲሉ ጥሪያቸውን አቅርበዋል።

ቡድኑ ጥሩ ዝግጅት ማድረጉን ያነሱት አሰልጣኙ ለዩጋንዳ ክብር እንደሚሰጡ ገልፀው እነሱ በእግርኳሱ ጥሩ እየሰሩ ያሉ ናቸው ሲሉ ተደምጠዋል።

“ ቡድኑ ተረጋግቶ እንዲፎካከር ሰርተናል “ ያሉት አሰልጣኙ “ የተቻላቸውን ጥረት በማድረግ ለሀገራቸው በፍቅር እንዲጫወቱ አሳስበናል ብለዋል።

የቡድኑ አምበል ቢኒያም አብረሀ በበኩሉ “ ከዚህ በፊት እንዳደረጋችሁት ዛሬም ድጋፋችሁን ስጡን እንጠብቃችኋለን “ ሲል ለደጋፊው መልዕክቱን አስተላልፏል።

@tikvahethsport