በኢንዶኔዥያ በጎርፍ የሞቱ ሰዎች ቁጥር ከ500 በላይ ደርሷል፣ ሌሎች 500 ሰዎች ጠፍተዋል

​በኢንዶኔዥያ ደሴት ሱማትራ ላይ በደረሰው የጎርፍ እና የመሬት መንሸራተት አደጋ የሞቱ ሰዎች ቁጥር ከ500 በላይ ከፍ ማለቱን ኤኤፍፒ ዛሬ ዘግቧል።

የአደጋ ጊዜ  ሠራተኞች ከባድ ጉዳት ወደ ደረሰባቸው አካባቢዎች ለመድረስ እየጣሩ ሲሆን ቢያንስ 500 የሚሆኑ ሌሎች ሰዎች ጠፍተዋል እንዲሁም በመቶዎች የሚቆጠሩ ተጎድተዋል።

​በሺዎች የሚቆጠሩ ቤቶችን ያወደመ ወይም ጉዳት ያደረሰ አስከፊ ጎርፍ እና የመሬት መንሸራተት የተከሰተው በሞንሱን ዝናብ ሲሆን፣ በደቡብ ምስራቅ እስያ ክልል ባጋጠመው ሞቃታማ አውሎ ንፋስ ነው።

​የተረፉትን እና ሌሎች ተጎጂዎችን የመፈለግ ሥራ ቀጥሏል፣ ነገር ግን የሱማትራ ክፍሎች ከደሴቲቱ ቀሪው ክፍል ለቀናት ተቋርጠዋል።

  በአካባቢው ሱቆችንመዝረፍ እና ምግብና ውሃ መስረቅ መጀመራቸውን የሀገሪቱ  መገናኛ ብዙኃን ዘግበዋል።