የቅዱስ ሲኖዶስ ምልዓተ ጉባኤ መካሄድ ጀመረ

የኢትዮጵያ ኦርቶዶክስ ተዋሕዶ ቤተ ክርስቲያን የ2019 ዓ.ም የጥቅምት የቅዱስ ሲኖዶስ ምልዓተ ጉባኤ በዛሬው ዕለት መካሄድ ጀምሯል።

በመድረኩ የመክፈቻ መግለጫ የሰጡት ብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ለመቀበልም ሆነ ለመስጠት መታመን መሠረታዊ እንደሆነና ጉባኤው በቤተ ክርስቲያን መታመን እንዲኖር የመሥራት መለኮታዊ ኃላፊነት እንዳለበት ገልጸዋል።

የሀብት አጠቃቀም፣ የምዕመናን አያያዝ እና ሐዋርያዊ ተልዕኮ ዘመኑን የሚመጥን እንዲሆን ክፍተቶችን በመፈተሽ ዘላቂ መፍትሔ ማስቀመጥ እንደሚያስፈልግ አብራርተዋል።

ቅዱስ ሲኖዶስ መንፈሳዊና ማኅበራዊ ተልዕኮውን ማከናወን የሚችለው አገር ሰላም ሲሆን በመሆኑ፣ ችግሮችን ለመፍታት ከጸሎት ባለፈ የማግባባትና የማስታረቅ ኃላፊነቱን ሊወጣ እንደሚገባ ገልጸዋል።

በጉባኤው ለሀገር ሰላም የሚኖረውን ሚና በተመለከተ ውይይት እንደሚደረግና ለባለድርሻ አካላት የሰላም ጥሪ እንደሚ አስተላለፍ ተጠቅሷል።