በአውሮፓ ሻምፒዮንስ ሊግ አርሰናል እና ባርሴሎና ለፍጻሜ ደረሱ

በሴቶች የአውሮፓ ሻምፒዮንስ ሊግ ግማሽ ፍጻሜ የመልስ ጨዋታ አርሰናል ከሜዳው ውጭ ወደ ፈረንሳይ ተጉዞ ሊዮንን 4 ለ 1 አሸንፏል።

በሊዮን በተደረገው  ጨዋታ ማሪዮና ካልደንቲ ፣ አሊሲያ ሩቶ ፣  ኬትሊን ፎርድ እና ኢንድለር በራሷ መረብ ላይ የአርሰናልን ግቦች አስቆጥረዋል።

ዱሞናይ የሊዮንን አንድ ግብ ያስቆጠረች ተጫዋች ሆናለች።

በመጀመርያው ጨዋታ በሜዳው 2 ለ 1 ተሸንፎ የነበረው አርሰናል ውጤቱን ቀልብሶ በድምር ውጤት 5 ለ 3 በማሸነፍ  ከ18 አመት በኋላ ለመጀመርያ ጊዜ የፍጻሜ ተፋላሚ መሆኑን አረጋግጧል።

በሌላ የግማሽ ፍጻሜ የመልስ ጨዋታ ባርሴሎና ቼልሲን 4 ለ1 አሸንፏል።

በመጀመርያው ጨዋታም በተመሳሳይ 4 ለ 1 ያሸነፈው ባርሴሎና በድምር ውጤት 8 ለ 2 በማሸነፍ ለዋንጫ ጨዋታ ደርሷል።

በፍጻሜው አርሰናል ከባርሴሎና በሊዝበን የሚገናኙም ይሆናል።

በአንተነህ ሲሳይ