መስማት ለተሳናቸው ዜጎች የመንጃ ፈቃድ ስልጠና መጀመሩ ተገለጸ

መስማት ለተሳናቸው ዜጎች የመንጃ ፈቃድ አገልግሎት እንዲያገኙ ስልጠና እየተሰጠ መሆኑን  የአዲስ አበባ ከተማ አሽከርካሪና ተሸከርካሪ ፈቃድና ቁጥጥር ባለሥልጣን  አስታውቋል።

በባለስልጣኑ የተሸከርካሪ ዘርፍ ምክትል ዋና ሥራ አስኪያጅ ወ/ሮ ትዕግሥት አሰፋ መስማት የተሳናቸው ዜጎች የመንጃ  ፈቃድ ስልጠና እንዲያገኙ ጥያቄ ሲያቀርቡ እንደነበር አስታውሰዋል።  በመሆኑም መስማት የተሳናቸውን ዜጎች ጥያቄያቸው ምላሽ እንዲያገኝ  በባለስልጣን መሳሪያ ቤት የመንጃ ፈቃድ ስልጠና እንዲያገኙ ተፈቅዷ ሲሉ  ተናግረዋል።

በባለስጣኑ ውክልና በተሰጣቸው 1 መቶ 43 የአሽከርካሪ ማሰልጠኛ ተቋማት የአሽከርካሪ ብቃት ማረጋገጫ ስልጠና  ይሰጣል ሲሉ ገልፀዋል። 

የባለስልጣኑ የተሸከርካሪ ዘርፍ ምክትል ዋና ሥራ አስኪያጅ ወ/ሮ ትዕግሥት አሰፋ ስልጠናው ሲጠናቀቅ በባለስልጣን መስሪያ ቤቱ ፈተና እንደሚሰጥ ጠቁመዋል።

የሚሰጠው ፈተና የንድፈ ሃሳብ እናየተግብር ፈተና እንደሚያካትት የገለፁ ሲሆን፤ በአዲስ አበባ ከተማ አሽከርካሪና ተሸከርካሪ ፈቃድና ቁጥጥር ባለሥልጣን ቅርንጫፍየምዘና ማዕከል ይከናወናል ብለዋል።
(አሐዱ ራድዮ)