በዓመት 63 ሚሊዮን እንቁላል የማሳቀፍ አቅም ያለው የጫጩት መፈልፈያ ሊገነባ ነው

ግብርና ሚኒስቴር የኢትዮጵያን የዶሮ ምርት አቅም ለማሳደግ የሚያስችል፣ በአመት 63 ሚሊዮን እንቁላል የማሳቀፍ አቅም ያለው ዘመናዊ የዶሮ ጫጩት መፈልፈያ ተቋም ለመገንባት ከአፍሪካ ልማት ባንክ በተገኘ 10.15 ሚሊዮን የአሜሪካ ዶላር ብድር ስምምነት መፈራረሙን አስታወቀ።

በኢትዮጵያ የዶሮ እሴት ሰንሰለት ልማት ፕሮግራም ሥር የተከናወነው ይህ ስምምነት፣ በእሴት ሰንሰለቱ ውስጥ ለሚገኙ አርሶ አደሮች ጥራት ያለውን የምርት ግብዓት ተደራሽ ለማድረግ ያለመ መሆኑ ተጠቁሟል።

በስምምነቱ መሠረት አግሪፋም ኃ/የተ/የግ/ማህበር ግንባታውን ውሉ ከጸና በኋላ በአንድ ሳምንት ውስጥ እንደሚጀምር ይጠበቃል፤ በ12 ወራት ውስጥም ሙሉ በሙሉ ለማጠናቀቅ መታቀዱን ካፒታል ከሚኒስትሩ ያገኘዉ መረጃ ያመለክታል።