በፋይናንስ ኢንዱስትሪው አዳዲስ የዲጂታል ግኝቶችን የሚያስተዋውቀው ዳሸን ባንክ፣ በዳሸን ሱፐር አፕ የደንበኞቹን ህይወትና አኗኗር የሚያቀለውን የኢ-ኮሜርስ አገልግሎት አስጀመረ፡፡

ደንበኞች በዳሸን ሱፐር አፕ ለበዓል የሚያስፈልጋቸውን የበሬ ቅርጫ፣ የበግ እና የዶሮ ስጋ አንቁላልን ጨምሮ የወንድ እና የሴቶች አልባሳት፣ ለስጦታ የሚሆኑ ሰዓትና ቀለበቶች፣ ዘመናዊ የቆዳ ቦርሳዎች ዘመናዊ ጫማዎች፣ የባልትና ወጤቶች እና ሌሎች በርካታ ምርቶችን በቀላሉ መገበያየት ይችላሉ፡፡

ዳሸን ባንክ ይፋ ያደረገው የኢ-ኮሜርስ አገልግሎት ደንበኞች በዳሸን ባንክ ሱፐር አፕ የፈለጉትን እቃ በቀላሉ ሲያዙ፣ ከየትኛውም የአዲስ አበባ አካባቢ ባሉበት ሆነው የታዘዘው ዕቃ በፍጥነት የሚደርሳቸው ይሆናል፡፡

ዳሸን ባንክ ሱፐር አፕ የኢ-ኮሜርስ አገልግሎት ሌሎች በርካታ አዳዲስ አገልግሎቶችን ይዞ እየመጣ እንደሚገኝ ባንኩ አስታውቋል፡፡